«Պատմամշակութային ժառանգության գիտահետազոտական կենտրոնը» կկարողանա ձեռնարկատիրությամբ զբաղվել
Կառավարության այսօրվա որոշմամբ բնագավառի միակ կառույցին՝ «Պատմամշակութային ժառանգության գիտահետազոտական կենտրոն» ՊՈԱԿ-ին վերապահվել են ձեռնարկատիրական գործունեության իրականացման մի շարք նոր գործառույթներ, որոնք հնարավորություն կտան ընդլայնել կառույցի գործունեության շրջանակը, կատարել արտերկրի պատվերներ, վերապատրաստել երիտասարդ մասնագետների: Նիստում որոշվել է նաև չորս տարով երկարաձգել Արարատի մարզի «Արտաշատ» մայրաքաղաք» հուշարձանի տարածքում արգելոց ստեղծելու նախկին որոշման ժամկետը՝ նկատի առնելով գործընթացի տևական և ժամանակատար բնույթը:
