Եվրոպայի Խորհուրդը մտահոգություն է հայտնել Ադրբեջանում «Ազատություն» ռադիոկայանի գրասենյակի փակման կապակցությամբ
Ադրբեջանական Turan լրատվական գործակալության փոխանցմամբ՝ «Ազատություն» ռադիոկայանի Բաքվի բյուրոյի փակումը հերթական անգամ մտահոգություն է առաջացրել Ադրբեջանի խոսքի ազատության շուրջ տիրող իրավիճակի հետ:
Այս անգամ այդ կապակցությամբ մտահոգություն է հայտնել Եվրոպայի Խորհուրդը, որը խնդրել է հայտնել Ադրբեջանի կառավարության այդօրինակ գործողությունների պատճառն ու իրավական հիմնավորումը:
Երեկ հարցաքննվել են ռադիոկայանի Բաքվի բյուրոյի մոտ 20 աշխատակիցներ, որոնց բոլորին էլ ազատ են արձակել այն բանից հետո, ինչ նրանցից ստորագրություն են վերցրել հետաքննության գաղտնիքները չհրապարակելու համար:
