Տիգրան Պետրոսյանը հաղթեց առաջատարին
Գրոսմայստեր Տիգրան Լ. Պետրոսյանը ԱՄԷ-ի Ալ Էյնում ընթացող մրցաշարի նախավերջին տուրում հաղթել է մինչ այդ առաջատար, գրոսմայստեր Գայոս Նիգալիձեին (Վրաստան)։
Armchess-ի փոխանցմամբ՝ այս հաղթանակից հետո Պետրոսյանը 8 հնարավորից վաստակելով 6,5 միավոր՝ գրոսմայստեր Վլադիմիր Օնիշչուկի (Ուկրաինա) հետ կիսում է առաջին տեղը:
Արման Փաշիկյանը, Հովիկ Հայրապետյանը եւ Սամվել Տեր-Սահակյանն ունեն 5,5-ական, Լեւոն Բաբուջյանը եւ Մանուել Պետրոսյանը` 5-ական, Լիլիթ Գալոյանը` 4,5, Մարիա Կուրսովան` 4 միավոր:
Դեկտեմբերի 26-ին վերջին տուրի կենտրոնական պարտիայում Տիգրան Լ. Պետրոսյանը սեւերով խաղալու է Վլադիմիր Օնիշչուկի հետ:
