The Times-ը «Տարվա մարդ» է ճանաչել Անգելա Մերկելին
Բրիտանական The Times թերթը «Տարվա մարդ» է ճանաչել Գերմանիայի կանցլեր Անգելա Մերկելին: Թերթն ընդգծել է, որ «Մերկելն այն կինն է, որը մեզ անհրաժեշտ է վտանգավոր տղամարդկանցով լեցուն աշխարհում»: Մերկելը The Times-ի վարկածով «Տարվա մարդ» է ճանաչվել եվրոպական կայունության պահպանման հարցում իր կենտրոնական դերակատարության համար:
Ընդգծվում է, որ Մերկելը տարվա ընթացքում իրեն դրսևորել է որպես անփոխարինելի միջնորդ, երբ Արևմուտքի ու Արևելքի փոխհարաբերությունները բարդացան «Սառը պատերազմից» հետո ամենավտանգավոր աշխարհաքաղաքական ճգնաժամի ֆոնին: Խոսքն Ուկրաինայի ճգնաժամի մասին է:
