Հովիկ Աբրահամյան. «Ի՞նչ է նշանակում Տիգրան Սարգսյանի մարդ, Տիգրան Սարգսյանը կարող է կին ունենալ, մարդ չի կարող ունենալ» (տեսանյութ)
ՀՀ վարչապետ Հովիկ Աբրահամյանն այսօր ԱԺ-ում լրագրողների հետ ճեպազրույցում վստահեցրեց, թե կադրային քաղաքականության հարցում կաշկանդված չէ: Դիտարկմանը, որ կառավարությունում կան Տիգրան Սարգսյանի կադրերը, օրինակ՝ Վաչե Գաբրիելյանը, վարչապետը պատասխանեց, որ Վ. Գաբրիելյանն իր ինտելեկտով և իր գիտելիքներով չի կարող լինել ինչ-որ մեկի մարդը:
«Տիգրան Սարգսյանը գնաց, ձեզնից չպրծա՞վ: Մարդը գնացել, աշխատում է, ի՞նչ եք ուզում: Եվ ի՞նչ է նշանակում Տիգրան Սարգսյանի մարդ: Տիգրան Սարգսյանը կարող է կին ունենալ, մարդ չի կարող ունենալ»,- նկատեց Հովիկ Աբրահամյանը:
