Պուտինի` 70 րոպեանոց ելույթը 39 անգամ ընդհատվել է ծափահարություններով
Ռուսական ТАСС լրատվական գործակալության փոխանցմամբ` Ռուսաստանի նախագահ Վլադիմիր Պուտինը ամենամյա ուղերձով դիմել է Դաշնության խորհրդին, որը տևել է 70 րոպե: Պուտինի ելույթը 39 անգամ ընդհատվել է ծափահարություններով:
Ամենաբուռն ծափահարությունները հնչել են ելույթի այն մասում, որում պետության ղեկավարը խոսել է Ղրիմի վերամիավորման և Ռուսաստանի պետական ինքնիշխանության ապահովման մասին:
Ամենահաճախը ծափահարությունները հնչել են այն ժամանակ, երբ Պուտինը խոսել է տնտեսության ու բիզնեսի զարգացման, ինչպես նաև սոցիալական ոլորտի պաշտպանության մասին: Պուտինը նաև շնորհավորել է օլիմպիականներին ու պարօլիմպիականներին` Սոչիի օլիմպիական խաղերում հաղթելու համար:
