Նյու Յորքում սպիտակամորթ ոստիկանին արդարացնելուց հետո սկսվել են բողոքի ակցիաներ
Ամերիկյան The New York Times թերթի փոխանցմամբ` այն բանից հետո, ինչ մեծ ժյուրին որոշեց մեղադրանք չներկայացնել սպիտակամորթ ոստիկանության դեմ, ով սևամորթ տղամարդուն ձերբակալելիս դարձել էր նրա մահվան պատճառ, Նյու Յորքում սկսվել են բողոքի ակցիաներ:
Հուլիսի 17-ին ոստիկանության 29-ամյա սպա Դանիել Պանտալեոն փորձել է կալանքի տակ վեցնել 6 երեխայի հայր, 43-ամյա Էրիկ Գառներ` ծխախոտի ապօրինի վաճառքի համար: Ոստիկանը կիրառել է խեղդող հնարք, ինչի հետևանքով ճարպակալումից ու ասթմայից տառապող տղամարդը խեղդվել է:
Մեծ ժյուրիի որոշումից հետո մեծ թվով մարդիկ դուրս են եկել մեգապոլիսի փողոցներ` իրենց վրդովմունքը հայտնելու համար: Ցուցարարները վանկարկել են մահվանից առաջ Գարների ասած վերջին խոսքերը. «Ես չեմ կարողանում շնչել»: Բողոքի ակցիաներ են տեղի ունեցել նաև Վաշինգտոնում ու մյուս քաղաքներում:
