ԱՄՆ-ն ու Չինաստանը պայմանավորվել են խուսափել ռազմական բախումներից
Ամերիկյան The Wall Street Journal պարբերականի փոխանցմամբ՝ ԱՄՆ նախագահ Բարաք Օբաման ու Չինաստանի նախագահ Սի Ծինփինը ստորագրել են երկու պայմանագիր, որոնք առնչվում են երկու երկրների զինված ուժերի միջև թյուրիմացությունների կանխմանը:
Ակնկալվում է, որ այդ փաստաթղթերը կհրապարակվեն այսօր: Իրազեկ աղբյուրներն ընդգծում են, որ պայմանագրերն առնչվում են տարբեր միջոցառումների՝ ներառյալ զորավարժությունները, մասին միմյանց իրազեկելու մեխանիզմին: Դրանք նաև առնչվում են ծովում և օդում զինված ուժերի բախման ժամանակ կողմերի վարվելակերպին:
