Օբաման ու Պուտինը քննարկել են Ուկրաինայի, Սիրիայի ու Իրանի հարցերը
Ռուսական ТАСС լրատվական գործակալության փոխանցմամբ՝ Ռուսաստանի ու ԱՄՆ-ի նախագահներ Վլադիմիր Պուտինն ու Բարաք Օբաման Պեկինում Ասիա-խաղաղօվկիանոսյան տնտեսական համագործակցության գագաթաժողովի շրջանակներում կարճ քննարկել են երկկողմ հարաբերությունները, ինչպես նաև Ուկրաինայում, Սիրիայում ու Իրանում տիրող իրավիճակը:
Այս մասին հայտարարել է Ռուսաստանի նախագահի մամլո քարտուղար Դմիտրի Պեսկովը. «Պուտինն ու Օբաման մի քանի անգամ կարողացել են օգտվել գագաթաժողովի աշխատանքային դադարներից՝ միմյանց հետ զրուցելու համար:
Նրանք շոշափել են երկկողմ հարաբերությունները, ինչպես նաև Ուկրաինայի, Սիրիայի ու Իրանի հարցերը: Հանդիպման համար եղել է երկուսից ավելի հնարավորություն: Դրանք եղել են կարճատև զրույցներ»:
