Վերակառուցումից հետո շահագործման է հանձնվել Դիլիջանի երաժշտական դպրոցը (լուսանկարներ)
Այսօր Դիլիջանում վերաբացվեց տեղի մանկական երաժշտական դպրոցը: Այն վերանորոգվել է «Քաունթերփարթ ինթերնեշնլ» կազմակերպության հայաստանյան ներկայացուցչության, ԱՄՆ միջազգային զարգացման գործակալության, Դիլիջանի զարգացման հիմնադրամի և Դիլիջանի քաղաքապետարանի աջակցությամբ: Իսկ դպրոցի վերակառուցման և կահավորման նախագիծը պլանավորել և իրականացրել են Դիլիջան համայնքի բնակիչները տեղական ինքնակառավարման մարմինների հետ համատեղ:
Դիլիջանի զարգացման հիմնադրամի տնօրեն Արթուր Հակոբյանը լրագրողների հետ զրույցում նշեց, որ դպրոցն իսկապես վերակառուցման կարիք ուներ, և սա բազմակողմանի համագործակցության շատ լավ օրինակ է. «Ինչպես տեսնում եք, կատարվել է շատ մեծ աշխատանք: Այսուհետ երեխաներն ավելի հարմար պայմաններում կիրականացնեն իրենց ուսուցումը: Պետք է նշեմ, որ մեր հիմնադրամը կարևորում է նաև քաղաքի կրթական ու մշակութային մյուս ենթակառուցվածքների զարգացումը: Սա նման նախաձեռնություններից մեկն էր, որը շարունակական բնույթ է կրելու»:
Արթուր Հակոբյանի խոսքով՝ դպրոցի վերակառուցման աշխատանքների վրա ծախսվել է մոտավորապես 55 մլն դրամ: Ըստ նրա՝ իրականացված վերջին ներդրումները դրական մեծ ազդեցություն են ունեցել քաղաքի վրա թե՛ տնտեսական և թե՛ այլ առումներով:
‘
‘
‘
‘
‘
