Գորիսում նորածնի մահվան դեպքով քրեական գործ է հարուցվել
Գորիսի բժշկական կենտրոնում հունիսի 23-ին մահացած նորածնի մահվան փաստով քրեական գործ է հարուցվել: 168.am-ի հետ զրույցում ՀՀ ոստիկանության հասարակայնության հետ կապի և լրատվության վարչությունից ասացին, որ քրեական գործ հարուցվել է ՀՀ քրեական օրենսգքրի 130-րդ հոդվածի հատկանիշներով՝ բժշկական օգնություն և սպասարկում իրականացնողների կողմից մասնագիտական պարտականությունները չկատարելը կամ ոչ պատշաճ կատարելը:
Երեխայի ծնողները պնդում են, որ նորածնի մահվան պատճառը հերթապահ բուժքրոջ անուշադրությունը, անփությությունն ու մասնագիտական թերացումն է:
