Հավայան կղզիների շրջանում մեկնարկել են աշխարհի խոշորագույն ռազմածովային զորավարժությունները
The Diplomat պարբերականի փոխանցմամբ` հունիսի 27-ին մեկնարկել է ԱՄՆ Խաղաղօվկիանոսյան նավատորմի RIMPAC զորավարժությունները, որոնք աշխարհի խոշորագույն միջազգային ռազմածովային զորավարաժություններն են: Ռուսաստանի Խաղաղօվկիանոսյան նավատորմը, որն առաջին անգամ այդ զորավարժություններին մասնակցել է 2012 թվականին, այս անգամ չի ստացել նման հրավեր:
Թվով 24-րդ RIMPAC զորավարժություններն անցկացվում են Հավայան կղզիների շրջանում: Դրանք կտևեն մինչև օգոստոսի 1-ը: Զորավարժություններին մասնակցում է 49 ռազմանավ, 6 սուզանավ, ավելի քան 200 մարտական ինքնաթիռ ու 23 երկրի 25.000 զինծառայող: RIMPAC զորավարժություններն անցկացվում են 1971 թվականից:
