Թուրքիայում վերանայվելու են Balyoz ռազմական հեղաշրջման գործով դատավճիռները
Թուրքական Hurriyet Daily news թերթի փոխանցմամբ՝ Թուրքիայի Սահմանադրական դատարանը վճռել է, որ Balyoz («Կռան») ռազմական հեղաշրջման նախապատրաստման գործով դատապարտյալների իրավունքները խախտվել են նրանց դեմ ապացույցներ հավաքելիս:
Դատարանը վճռել է, որ ամբաստանյալների դեմ ապացույցները հավաքվել են ապօրինի ճանապարհով՝ ներառյալ ապօրինի գաղտնալսումները: Այդ որոշումը թուրքական դատարաններին պարտադրում է վերանայել տվյալ գործով 230 դատապարտյալների գործերը:
Balyoz ռազմական հեղաշրջումը պետք է իրականացվեր 2003 թվականին: Այդ մասին հայտնի դարձավ 2010 թվականին, երբ դրա մանրամասները հրապարակեց Թուրքիայում ամենասարսափահարույց թերթի համբավ ունեցող Taraf թերթը:
