Վերին Լարսի ճանապարհը կբացվի շաբաթ օրը. եթե անձրև չտեղա
«Վերին Լարսի սողանքների մասին ի՞նչ կա, կցանկանայի զեկուցեք»,- այսօր կառավարության նիստում հայտարարեց վարչապետ Հովիկ Աբրահամյանը՝ դիմելով ՀՀ տրանսպորտի և կապի նախարար Գագիկ Բեգլարյանին:
Նախարարը տեղեկացրեց, որ վրացական պաշտոնյաների հետ ամեն օր քննարկում են խնդիրը:
Գ.Բեգլարյանը նշեց, որ ճանապարհը պետք է այսօր բացվեր, բայց անձրևներ են տեղացել ու այն կրկին փակվել է:
Ըստ նրա՝ մաքրման աշխատանքները շարունակվում են. «Հուսանք ամսի 14-ին արդեն կբացվի»:
