ԱԽՏ-ը 2018 թվականին Հյուսիսային Ամերիկային կզրկի ամենահարուստ տարածաշրջանի կարգավիճակից
Ռուսական РИА Новости լրատվական գործակալության փոխանցմամբ՝ Ասիա-Խաղաղօվկիանոսյան տարածաշրջանը (առանց Ճապոնիայի) բարեկեցեության մակարդակով արդեն ընթացիկ տարում կգերազանցի Արևմտյան Եվրոպային և 4 տարի անց կարող է դառնալ աշխարհի ամենահարուստ տարածաշրջանը՝ իր հետևում թողնելով առաջատար Հյուսիսային Ամերիկային:
Այս մասին նշված է Boston Consulting Group (BСG) ընկերության հրապարակած Global Wealth 2014 զեկույցում: Նախորդ տարի ԱԽՏ-ի (առանց Ճապոնիայի) բնակիչների անձնական բարեկեցության աճը կազմել է ավելի քան 30 տոկոս, ինչի արդյունքում տարածաշրջանում մասնավոր ձեռքերում կուտակվել է 37 տրիլիոն դոլար:
Մինչև 2018 թվականի ավարտն այդ ցուցանիշը կհասցվի 61 տրիլիոն դոլարի: Նման տեմպերով ԱԽՏ-ն արդեն այս տարի կհայտնվի երկրորդ հորիզոնականում՝ գերազանցելով Եվրոպային, իսկ 2018 թվականին Հյուսիսային Ամերիկային կզրկի ամենահարուստ տարածաշրջանի կարգավիճակից:
