Ուկրաինայի արևելքում հատուկ գործողությունը կարող է ավարտվել մինչև հունիսի 14-ը. աղբյուր
Ռուսական РИА Новости լրատվական գործակալության փոխանցմամբ՝ ուկրաինացի զինվորականները պլանավորում են երկրի արևելքում իրականացվող հատուկ գործողությունն ավարտել մինչև հունիսի 14-ը: Արդեն երկրորդ ամիսն է, ինչ կատաղի բախումներ են ընթանում Ուկրաինայի արևելքում:
Ուկրաինայի նորընտիր նախագահ Պյոտր Պորոշենկոյին մոտ կանգնած աղբյուրները հայտնել են, որ առաջիկա շաբաթվա ընթացքում ուկրաինացի զինվորականների առաջադրանքը հանդիսանալու է զինյալներին Ռուսաստանի սահմանից կտրելը, ինչպես նաև նրանց տեղայնացնելն ու դիմադրությունը ճնշելը:
Աղբյուրների հաղորդմամբ՝ դրանից հետո Ուկրաինայի նախագահը կփորձի երեք ամսում պայմանավորվածության գալ Մոսկվայի հետ, որ նա չաջակցի Դոնեցկի ու Լուգանսկի ժողովրդական հանրապետություններին: Աղբյուրն ընդգծել է, որ ռազմական գաղտնիք է այն, թե այդ ամենի դիմաց ինչ կառաջարկվի Ռուսաստանին:
