Սեյրան Օհանյանը՝ մայիսի 27-ի լույս 28-ի գիշերը հակառակորդի կողմից իրականացված դիվերսիոն հարձակման փորձի մասին
Պաշտպանության նախարար Սեյրան Օհանյանն այսօր Սարդարապատի հուշահամալիրում լրագրողների հետ զրույցում անդրադարձել է մայիսի 27-ի լույս 28-ի գիշերը հակառակորդի կողմից իրականացված դիվերսիոն հարձակման փորձին: Ս. Օհանյանի խոսքով՝ վերջին շրջանում որոշակի լարվածություն կա շփման գծում։
«Այսօր Ադրբեջանում էլ է տոն, և սրա հետ է կապված այս դիվերսիան։ Ես խոսել եմ ԼՂՀ պաշտպանության նախարարի հետ, ինքն էլ է ասել, որ հրադադարի ռեժիմը խախտել է ադրբեջանական կողմը։ Ցավոք, մենք էլ ենք ունեցել մեկ զոհ և վիրավորներ։ Վիրավորների վիճակը բավարար է»,- նշել է նախարարը:
