Ծանոթի անունով ապառիկ «նոութբուք» համակարգիչ և բջջային հեռախոս է վերցրել և վճարումները չկատարելով` դիմել փախուստի
Ոստիկանության ծառայողներն օրերս Կենտրոնականի բաժին են հրավիրել 1986 թ. ծնված Տիգրան Մ.-ին: Նա հաղորդում է տվել, որ իր ծանոթ Արթուրը մարտ ամսին Հանրապետության հրապարակի մոտակայքում գտնվող էլեկտրոնիկայի խանութ-սրահից իր անունով ապառիկ վերցրել է «նոութբուք» համակարգիչ և բջջային հեռախոս, սակայն վճարումներ չի կատարել, խաբեությամբ տիրացել է դրանց և դիմել փախուստի:
Ոստիկանները պարզել են, որ Արթուրը 1989 թ. ծնված Արթուր Հ.-ն է, որը մայիսի 26-ին, ժամը 13.50-ին, բերման է ենթարկվել բաժին և խոստովանել հանցանքը:
Կատարվում է քննություն:
ՀՀ Ոստիկանություն
