Իրակլի Ալասանիան երկօրյա այցով մեկնել է Գերմանիա
Грузия Online-ի փոխանցմամբ՝ Վրաստանի պաշտպանության նախարար Իրակլի Ալասանիան երկօրյա այցով մեկնել է Գերմանիա: Ալասանիան այնտեղ մասնակցելու է միջազգային էներգետիկ անվտանգության ապահովման հարցերով գագաթաժողովի աշխատանքներին:
Այցի շրջանակներում Ալասանիան հանդիպելու է Գերմանիայի կանցլերի՝ արտաքին քաղաքականության ու անվտանգության հարցերով խորհրդական Քրիստոֆ Հոյսգենի հետ, ինչպես նաև այցելելու է Անվտանգության քաղաքականության ֆեդերալ ակադեմիա:
Իր ելույթներում Ալասանիան տարածաշրջանային անվտանգության համատեքստում խոսելու է Վրաստանի եվրաատլանտյան ձգտումների մասին:
