Ռուսաստանն այս տարի Սիրիային կհատկացնի 240 միլիոն եվրո ֆինանսական օգնություն
Ռուսական Коммерсант թերթի փոխանցմամբ՝ Ռուսաստանն այս տարի Սիրիայի սոցիալական կարիքների համար կհատկացնի 240 միլիոն եվրո (ավելի քան 11.2 միլիարդ ռուբլի) ֆինանսական օգնություն: Այս մասին թերթին հայտնել է Ռուսաստանի կառավարությունում նրա աղբյուրը:
Վերջինիս խոսքերով՝ Սիրիայի կառավարությունը Ռուսաստանին խնդրել է Դամասկոսին հատկացնել անհատույց ֆինանսական աջակցություն: Աղբյուրն ընդգծել է, որ Ռուսաստանի կառավարությունն արդեն իսկ համաձայնեցրել է օգնության չափը՝ 240 միլիոն եվրո, ինչը կուղղվի Սիրիայում սոցիալական առաջադրանքներ լուծելուն:
