Աբդուլլահ Գյուլը շնորհավորել է Պյոտր Պորոշենկոյին
Թուրքական Anadolu լրատվական գործակալության փոխանցմամբ՝ Թուրքիայի նախագահ Աբդուլլահ Գյուլը շնորհավորել է Պյոտր Պորոշենկոյին՝ կապված Ուկրաինայի նախագահ ընտրվելու հետ:
Գյուլը հեռախոսազրույց է ունեցել մայիսի 25-ին Ուկրաինայի նախագահական ընտրությունների առաջին փուլի արդյունքներով հաղթած Պորոշենկոյին և հայտնել, որ Թուրքիան շարունակելու է աջակցել Ուկրաինային, ինչպես նաև ուկրաինական ճգնաժամի կարգավորմանը՝ հենված միջազգային իրավունքի վրա:
Պորոշենկոն իր հերթին Գյուլին անվանել է «մոտ բարեկամ» և գոհունակություն է հայտնել իրեն շնորհավորելու ու աջակցություն հայտնելու կապակցությամբ:
