Կառավարությունը կմերժի ՕԵԿ-ին
Ազգային ժողովի պատգամավորներ Հեղինե Բիշարյանը, Հովհաննես Մարգարյանը և Լևոն Դոխոլյանն առաջարկում են մայիսի 16-ին նշել ուսանողների և երիտասարդների օրը: Ըստ պատգամավորների՝ օրվա ընտրությունը պայմանավորված է այն հանգամանքով, որ այն հանդիսանում է Երևանի պետական համալսարանի հիմնադրման օրը և դրանով տոնին հաղորդվում է ազգային երանգ:
Սակայն ՀՀ կառավարությունը համամիտ չէ պատգամավորների հետ և նախատեսում է ՀՀ կառավարության առաջիկա նիստում մերժել «ՀՀ տոների և հիշատակի օրերի մասին» ՀՀ օրենքում փոփոխություններ կատարելու առաջարկը: Գործադիրի մասնագետները գտնում են, որ առաջարկված օրինագծում մասամբ պահպանված չեն օրենսդրական տեխնիկայի կանոնները:
