Ուորլիքը սպասում է Ադրբեջանի ղեկավարության հետ հանդիպմանը
Ադրբեջանական Trend լրատվական գործակալության փոխանցմամբ՝ ԵԱՀԿ Մինսկի խմբի ամերիկացի համանախագահ Ջեյմս Ուորլիքը, մեկնաբանելով համանախագահների հերթական տարածաշրջանային այցը, հույս է հայտնել, որ կգտնվի Հայաստանի ու Ադրբեջանի նախագահների հանդիպման կազմակերպման ուղին.
«Խաղաղության գործողության հաջողությունը կամ ձախողումը կախված է կողմերի քաղաքական կամքից: Բանակցային սեղանի շուրջ նոր գաղափարներ բերելու և բանակցելու իրական ուղին գտնելու հարցում կողմերին օգնելու համար անհրաժեշտ է համագործակցել ռուս և ֆրանսիացի գործընկերների հետ»:
Ուորլիքն ընդգծել է, որ բանակցությունների բովանդակության շուրջ աշխատանքները շուտափույթ սկսելու համար անհամբերությամբ է սպասում Ադրբեջանի ղեկավարության հետ տարածաշրջանում կամ մեկ այլ վայրում հանդիպմանը:
Ուորլիքի խոսքերով՝ համանախագահների տարածաշրջանային վերջին այցի հիմնական նպատակը եղել է Քարվաճառի ու Բերձորի շրջաններ և ընդհանրապես Լեռնային Ղարաբաղ այցելելը:
