ԱՄՆ-ը զսպվածության կոչ է արել Թուրքիայի իշխանություններին
Թուրքական Milliyet թերթի փոխանցմամբ` ԱՄՆ-ն ուշադիր հետևում է Թուրքիայի բողոքի ակցիաներին և մասնավորապես Օքմեյդանի դեպքերին: Այս մասին հայտարարել է ԱՄՆ պետդեպարտամենտի ներկայացուցիչ Մարի Հարֆը:
Նա Թուրքիայի իշխանություններին ու ցուցարարներին կոչ է արել ցուցաբերել զսպվածություն. «Երկու կողմն էլ պետք է զերծ մնան բռնություններին` թույլ չտալու համար ավելի շատ զոհերի գրանցում»:
Անդրադառնալով Թուրքիայի տարածքով իրաքյան նավթի արտահանման հարցին` Հարֆը հայտարարել է, որ Իրաքի կենտրոնական կառավարության ու Հյուսիսային Իրաքի միջև տարաձայնությունները պետք է լուծվեն բանակցային սեղանի շուրջ:
