Մեկնարկել են Իրանի զինված ուժերի ցամաքային զորքերի զորավարժությունները
Իրանական IRINN հեռուստաալիքի փոխանցմամբ՝ մեկնարկել են Իրանի զինված ուժերի ցամաքային զորքերի զորավարժությունները: Դրա նպատակը երկրի նորագույն սպառազինության մի շարք տեսակների փորձարկումն է:
Իրանի ցամաքային զորքերի Beit ol-Moqaddas երկօրյա զորավարժություններն անցկացվում են Սպահանի նահանգի Քաշան քաղաքի շրջանում: Զորավարժությունների առաջին փուլի շրջանակներում իրականացվելու են հայրենական արտադրության նոր հրթիռների կրակային փորձարկումներ:
Զորավարժությունները ղեկավարում է Իրանի ցամաքային զորքերի հրամանատար, բրիգադի գեներալ Ահմադ Ռեզա Փուրդաստանը և Իրանի զինված ուժերի մի շարք բարձրաստիճան անձինք: Մեկնաբանելով զորավարժությունների ընթացքը՝ բրիգադի գեներալը լրագրողներին հայտնել է, որ ցամաքային զորքերը կատարելագործում են իրենց մարտական պատրաստությունը:
