Մոնտենեգրոն պարզաբանել է, թե ինչու է միացել ՌԴ-ի դեմ ԵՄ-ի սահմանած պատժամիջոցներին
Lenta.ru-ի փոխանցմամբ՝ Մոնտենգրոյի նախագահ Ֆիլիպ Վույանովիչը հայտարարել է, որ Մոնտենեգրոն միացել է Ռուսաստանի դեմ ԵՄ-ի սահմանած պատժամիջոցներին, ինչը կապված է եղել ԵՄ-ին ու ՆԱՏՕ-ին արագորեն անդամակցելու նրա ցանկության հետ.
«Մոնտենեգրոն փորձում է ակտիվորեն արագացնել ԵՄ-ին անդամակցելու գործընթացը: Մենք անհամբերությամբ ենք սպասում Մեծ Բրիտանիայում կայանալիք ՆԱՏՕ-ի գագաթաժողովին մասնակցելու հրավերին:
Եթե մենք ցանկանում ենք դառնալ մեծ ընտանիքի մասնիկ, ապա մենք պետք է կիսենք այդ երկրների համոզմունքները՝ կապված միջազգային կարևոր հարցերի հետ: Երկրի ապագան կապված է ԵՄ-ի ու ՆԱՏՕ-ի հետ»:
Մոնտենեգրոն Ուկրաինայի դեպքերի կապակցությամբ Ռուսաստանի դեմ ԵՄ-ի սահմանած պատժամիաջոցներին միացել է մարտի 19-ին:
