Պուտինը չի բացառում, որ Օդեսայի իրադարձությունները կարող են կրկնվել
![](https://168.am/wp-content/uploads/2014/05/1007866896.jpg)
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը կարծում է, որ քանի դեռ արժանի գանահատական չի տրվել Օդեսայի դեպքերին, ապա հնարավոր է՝ դրանք կրկնվեն: Մայիսի 2-ին Օդեսայում «մայդանի» ու «հակամայդանի» ներկայացուցիչների միջև բախումների հետևանքով զոհվել է 48 և վիրավորվել է 214 մարդ:
Պուտինը մղձավանջ և սարսափ է որակել Օդեսայի դեպքերը, որոնք հեռարձակվել են հեռուստաալիքներով՝ կարևորելով դրանց օբյեկտիվ գնահատական տալը. «Միջազգային հանրությունը դեռ արժանի ադեկվատ գնահատական չի տվել դրանց, և եթե մենք չանենք դա, ապա հնարավոր է՝ կրկնվեն նման հանցանքները:
Պետք է անցկացնել մանրակրկիտ հետաքննություն, անպայմանորեն հայտնաբերել հանցագործներին: Մենք բոլորս պետք է ձգտենք հենց այդ արդյունքներին՝ նման մղձավանջի կրկնման հնարավորությունը բացառելու համար»: