Ադրբեջանի պաշտպանության նախարարը մեկնելու է Մոսկվա
Ռուսական Regnum լրատվական գործակալության փոխանցմամբ՝ Ադրբեջանի պաշտպանության նախարար, գեներալ-գնդապետ Զաքիր Հասանովը մեկնելու է Մոսկվա, ուր մայիսի 23-24-ին մասնակցելու է Միջազգային անվտանգության երրորդ կոնֆերանսին: Այս մասին հայտարարել է Ադրբեջանի ՊՆ-ի մամլո ծառայությունը:
Նրա հաղորդմամբ՝ այցը տեղի է ունենում Ռուսաստանի պաշտպանության նախարար, բանակի գեներալ Սերգեյ Շոյգուի հրավերով: Պլանավորված է, որ մոսկովյան այցի շրջանակներում Հասանովը երկկողմ հանդիպումներ է ունենալու Շոյգուի և Իրանի պաշտպանության նախարար Հոսեին Դեհգհանի հետ:
