Աբխազիայի ափերին սկսվելու են նավթի հետախուզման աշխատանքներ
Ռուսական Коммерсантъ թերթի փոխանցմամբ՝ «Ափսնի օյլ» ընկերությանը թույլատրել են հետախուզական աշխատանքներ իրականացնել աբխազական շելֆում և մասնավորապես դրա արևելյան հատվածում: Այս մասին հայտարարել է Աբխազիայի նախագահի մամլո ծառայությունը:
Ընկերությունը պլանավորել է սկսել երկրաբանական հետախուզության համալիր ծրագիր՝ էներգակիրներ հայտնաբերելու համար: Ընդ որում, նրա գործունեությունն իրականացվելու է պետական շահերի հաշվի առնմամբ: Ընկերությունը հայտարարել է, որ, թեև նախագիծը ռիսկային է, այնուամենայնիվ, պատրաստ է դրան:
