Օբաման ու Օլանդը Ռուսաստանին սպառնացել են նոր պատժամիջոցներով

Բրիտանական Reuters լրատվական գործակալության փոխանցմամբ` ԱՄՆ-ի ու Ֆրանսիայի նախագահները հնարավոր են համարել Ռուսաստանի դեմ նոր պատժամիջոցներ սահմանելը:

Հեռախոսազրույցի ժամանակ Բարաք Օբաման և Ֆրանսուա Օլանդը քննարկել են Ուկրաինայում տիրող իրավիճակը և համաձայնության եկել Ռուսաստանի դեմ հետագա գործողությունների հարցում:

Նրանք համակարծիք են, որ եթե Ռուսաստանը հետագայում նույնպես շարունակի իր սադրիչ ու ապակայունացնող քաղաքականությունը, ապա կբախվի հավելյալ կորուստների:

Օբաման բարձր է գնահատել Ուկրաինայի կառավարության ջանքերը` ուղղված մայիսի 25-ին ազատ ու արդար նախագահական ընտրություններ անցկացնելու միջոցով երկրի միավորմանը, որոնց հաջորդելու են սահմանադրական բարեփոխումները: