Մայիսի վերջին Բաքվում կանցկացվի Թուրքիայի, Թուրքմենստանի ու Ադրբեջանի արտգործնախարարների հանդիպումը
Ադրբեջանական Trend լրատվական գործակալության փոխանցմամբ՝ պլանավորված է, որ մայիսի վերջին Բաքվում տեղի է ունենալու Թուրքիայի, Թուրքմենստանի ու Ադրբեջանի արտգործնախարարների եռակողմ հանդիպումը: Այս մասին գործակալությանը հայտնել է Թուրքիայի ԱԳՆ-ում նրա աղբյուրը:
Վերջինիս խոսքերով՝ եռակողմ այդ հանդիպման ժամանակ ակնկալվում է քննարկել տարածաշրջանում տիրող իրավիճակը, Կասպիցի իրավական կարգավիճակը, ինչպես նաև համագործակցության զարգացման հարցը:
Ներկա դրությամբ արդեն իսկ գոյություն ունեն «Վրաստան-Թուրքիա-Ադրբեջան» և «Իրան-Թուրքիա-Ադրբեջան» եռակողմ հանդիպումների ձևաչափեր, որոնց շրջանակներում հանդիպում են այդ երկրների արտգործնախարարներն ու նախագահները:
