Վթար` Զվարթնոց գյուղի մոտ. կա տուժած
Մայիսի 10-ին, ժամը 21.08-ին ահազանգ է ստացվել, որ Արմավիրի մարզի Զվարթնոց գյուղի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Պարզվել է, որ կտրուկ վատացել է «Վոլցվագեն վենտո» մակնիշի 81 MA 100 պ/հ ավտոմեքենայի վարորդ` 1948 թ. ծնված Ա. Մ. -ի ինքնազգացողությունը, ինչից էլ կորցնելով ինքնատիրապետումը` բախվել է հանդիպակաց ծառին:
Հրշեջ-փրկարարները հոսանքազրկել են ավտոմեքեան և փակել գազի փականը:
Արտակարգ իրավիճակների նախարարություն
