Բեռլուսկոնին սկսել է հանրային աշխատանքները
BBC News-ի փոխանցմամբ՝ Իտալիայի նախկին վարչապետ Սիլվիո Բեռլուսկոնին այսօր ձեռնամուխ է եղել Միլանի ծերանոցում հանրային աշխատանքների կատարմանը՝ որպես օգնական: Դատարանի որոշման համաձայն, Բեռլուսկոնին մեկ տարվա ընթացքում պետք է շաբաթական աշխատի առնվազն 4-ական ժամ:
Ապրիլի կեսին Միլանի հատուկ տրիբունալի դատական հանձնաժողովը Բեռլուսկոնիին դատապարտեց մեկ տարվա հանրային աշխատանքների: Բացի այդ, սահմանափակվեց քաղաքական գործչի տեղաշարժը, նրան պարտավորեցրին պահպանել պարետային ժամ:
Դատարանը հրաժարվեց Բեռլուսկոնիին տալ տնային կալանք՝ ելնելով նրա տարիքից (77 տարեկան): Բեռլուսկոնին իր գոհունակությունն է հայտնել դատարանի նման որոշման կապակցությամբ՝ ընդգծելով, որ իր ողջ կյանքի ընթացքում ձգտել է օգնել մարդկանց և շատ երջանիկ կլինի նրանց օգտակար լինելու համար:
