Apple-ը պատրաստվում է իր պատմության մեջ ամենաթանկարժեք գործարքին
Bloomberg գործակալության փոխանցմամբ՝ Apple-ը պատրաստվում է իր ամենաթանկարժեք գործարքին: Ամերիկյան ընկերությունը մտադիր է 3.2 միլիարդ դոլարով ձեռք բերել աուդիոտեխնիկա (նաև ականջակալներ) արտադրող Beats Electronics ընկերությունը:
Վերջինիս հիմնադիրներն են հանրահայտ ռեպ երգիչ Dr.Dre-ն ու Beats Electronics-ի պրոդյուսեր Ջիմ Լովինը: Այդ գործարքը կդառնա Apple-ի պատմության մեջ խոշորագույնը: Beats Electronics-ի գնումը Apple-ին հնարավորություն կտա ամրապնդել սեփական դիրքերն ինտերնետային երաժշտական սերվիսների շուկայում:
Beats սերվիսը հնարավորություն է տալիս ամսական 10 դոլարով սմարթֆոնների, պլանշետների կամ վեբ-դիտարկիչների միջոցներով անսահմանափակ օգտվել կատալոգի բոլոր երգերից:
