ԱՄՆ-ում վարորդը խցանման մեջ չմնալու համար օգտագործել է մանեկեն
Ամերիկյան Associated Press լրատվական գործակալության փոխանցմամբ՝ Բոստոն մեկնող վարորդը, չցանկանալով մնալ խցանման մեջ, որոշել է հնարամտություն ցուցաբերել: Նա որոշել է ընթանալ միջնահանգային ավտոմայրուղու այն շերտով, որը նախատեսված է բացառապես ուղևոր ունեցող տրանսպորտային միջոցների համար:
Ոստիկան Ջոն Քարնելը, նկատելով կասկածելի «ուղևորին», կանգնեցրել է ավտոմեքենան, որում ուղևորի փոխարեն հայտնաբերել է զգեստավորված մանեկեն: Հնարամիտ վարորդը ծանուցագիր է ստացել Մասաչուսեթս նահանգի Քուինսի դատարան ներկայանալու համար՝ չսահմանված տեղով երթևեկելու համար:
