Սևաստոպոլում նույնպես զորահանդես է անցկացվում
Gazeta.ru-ի փոխանցմամբ՝ Սևաստոպոլում զորահանդես է անցկացվում՝ ի պատիվ Հաղթանակի օրվա 69-ամյակի և հերոս-քաղաքն ազատագրելու 70-ամյակի: Զորահանդեսին մասնակցում է 1000 զինծառայող, 40 միավոր ռազմական տեխնիկա, 70 ինքնաթիռ ու ուղղաթիռ:
Զորահանդեսն ընդունում է Ռուսաստանի Սևծովյան նավատորմի հրամանատար, ծովակալ Ալեքսանդր Վիտկոն, զորահանդեսը ղեկավարում է Սևծովյան նավատորմի Առափնյա պաշտպանության զորքերի հրամանատար, գեներալ-մայոր Ալեքսանդր Օստրիկովը: Զորահանդեսի ընթացքին հետևում է մոտ 150.000 մարդ, որոնց թվում կան նաև Ռուսաստանի տարբեր շրջաններից Սևաստոպոլ ժամանածներ:
Ավելի վաղ հայտարարվել էր, թե Ռուսաստանի նախագահ Վլադիմիր Պուտինն ու վարչապետ Դմիտրի Մեդվեդևը մայիսի 9-ին՝ մոսկովյան զորահանդեսի ավարտից անմիջապես անց, ժամանելու են Սևաստոպոլ:
