Սիրիայի կառավարական բանակն իր վերահսկողությունն է հաստատել Հոմսի վրա
Բրիտանական Reuters լրատվական գործակալության փոխանցմամբ՝ Սիրիայի կառավարական զորքերը երեկ իրենց վերահսկողությունն են հաստատել Հոմս քաղաքի վրա: Սիրիայի նախագահ Բաշար Ասադի բանակը վերջին երեք տարում առաջին անգամ կարողացել է ապստամբներին ամբողջովին դուրս մղել Հին քաղաքից:
Ապստամբները կառավարական զորքերի հետ համաձայնագրով ազատորեն լքել են քաղաքը՝ չհանձնելով զենքը: Քաղաքից տարհանվել է ավելի քան 1500 ապստամբ ու նրանց մերձավորներ: Ակնկալվում է, որ սիրիական բանակը քաղաք մուտք կգործի այսօր՝ ականազերծման աշխատանքների ավարտից հետո:
Չնայած այդ ամենին՝ ապստամբների ձեռքում շարունակում են մնալ Հոմսի մերձակայքի ամրակետերը:
