Ռուսաստանի Կասպյան նավատորմը զորավարժություններ է սկսել
ՌԴ ՊՆ-ի պաշտոնական կայքի փոխանցմամբ՝ Ռուսաստանի ռազմածովային ուժերի Կասպյան նավատորմը զորավարժություններ է սկսել Կասպից ծովում: Զորավարժություններն անցկացվում են Կասպյան նավատորմի ուժերի հանկարծակի ստուգման պլանին համապատասխան:
Զորավարժությունները գլխավորում է Կասպյան նավատորմի հրամանատար, փոխծովակալ Սերգեյ Ալեքմինսկին: Զորավարժություններում ներգրավված է մոտ 20 ռազմանավ ու ապահովման նավ, այդ թվում նաև «Թաթարստան» ու «Դաղստան» հրթիռակիր ռազմանավերը:
Զորավարժությունների անցկացման ժամանակ անվտանգ նավարկություն ապահովելու համար քաղաքացիական նավարկության համար փակվել է մոտ 1500 ծովային մղոն (ավելի քան 2500 կիլոմետր) երկարությամբ տարածք: Զորավարժությունները տևելու են մինչև մայիսի 8-ը:
