Ջոն Քերին հրաժարվել է Ուկրաինայի հարցը քննարկել Սերգեյ Լավրովի հետ. աղբյուր
Ռուսական Интерфакс լրատվական գործակալության փոխանցմամբ` երեկ երեկոյան պետք է տեղի ունենար ԱՄՆ պետքարտուղար Ջոն Քերիի ու Ռուսաստանի արտգործնախարար Սերգեյ Լավրովի հեռախոսազրույցը:
Սակայն Վաշինգտոնը չեղյալ է հայտարարել այն, ինչը տեղի է ունեցել այն բանից հետո, ինչ Մոսկվան առաջարկել է հեռախոսազրույցի ժամանակ, Սիրիայից բացի, քննարկել նաև Ուկրաինայի հարցը:
Այս մասին լրագրողներին հայտնել է ՌԴ ԱԳՆ-ում եղած աղբյուրը: Նա, սակայն, չի բացառել, որ հեռախոսազրույցը տեղի ունենա այսօր: Երեկ ուկրաինացի զինվորականները սկսել են Սլավյանսկի գրոհը, ինչի հետևանքով կորուստներ են գրանցվել երկու կողմից էլ: Արյունալի բախումներ են տեղի ունեցել նաև Օդեսայում:
