Ադրբեջանցի զինյալները ցանկանում են իսլամական պետություն հիմնել Սիրիայում
Haqqin.az պորտալի փոխանցմամբ՝ Սիրիայում Բաշար Ասադի հակառակորդների կողմից հանդես եկող ադրբեջանցի արմատականների նոր էմիրը (հրամանատար) հայտարարել է, որ իրեն ենթակա միավորումը մտադիր է Սիրիայի տարածքում ստեղծել սեփական իսլամական պետություն:
Մուհամեդ անունով հայտնի էմիրը հավելել է, որ այդ «պետության» ստեղծումից հետո ադրբեջանցի զինյալները շարունակելու են «ջիհադը»՝ հենվելով իրենց տարածքի վրա: Էմիրն ընդգծել է, որ իր «բանակն» ունի «տանկեր, հրանոթներ և անգամ ինքնաթիռներ», և որ իրենց համար Սիրիայի տարածքում ստեղծված են բոլոր պայմանները:
