Սիրիայում նախագահ դառնալու հայտ է ներկայացրել 24 մարդ
Вестник Кавказа-ի փոխանցմամբ՝ Սիրիայում երեկ ավարտվել է նախագահ դառնալ ցանկացողների հայտերի ընդունումը: Սիրիայում նախագահի պաշտոնին հավակնողների քանակը կազմել է 24 մարդ, որոնցից 7-ն իրենց փաստաթղթերը ներկայացրել են վերջին օրը:
Այժմ Սիրիայի խորհրդարանը պետք է դիտարկի այդ հայտերը՝ պարզելու համար, թե արդյոք դրանք համապատասխանո՞ւմ են բոլոր անհրաժեշտ պահանջներին: Այդ ընթացակարգը կավարտվի մայիսի 6-ին, ինչից հետո կհրապարակվի թեկնածուների վերջնական ցուցակը, ապա երկրում կմեկնարկի ընտրական կամպանիան:
Սիրիայում նախագահական ընտրություններն անցկացվելու են հունիսի 3-ին:
