Ուկրաինան հրաժարվել է չգնած գազի համար 11.4 միլիարդ դոլար վճարել «Գազպրոմին»
Lenta.ru-ի փոխանցմամբ՝ «Ուկրաինայի Նավթոգազ» ընկերությունը հրաժարվել է «Գազպրոմին» վճարել 11.4 միլիարդ դոլար՝ չգնած գազի համար: Ուկրաինական ընկերությունը համապատասխան նամակ է հղել ռուսական «Գազպրոմին», որն ապրիլի վերջին «Նավթոգազից» պահանջել էր վճարել 2013 թվականի գազի համար:
Ուկրաինական կողմի կարծիքով՝ ռուսական կողմի այդ պահանջը հենված է «վերցրու կամ վճարիր» սկզբունքի վրա, Կիևում կարծում են, որ «Նավթոգազի» ու «Գազպրոմի» միջև պայմանագիրը չի պարունակում այդ դրույթի գործնական կիրառման մեխանիզմ:
«Գազպրոմի» տվյալներով՝ ապրիլի 30-ի դրությամբ ռուսական գազի համար Ուկրաինայի պարտքը կազմում է 3.5 միլիարդ դոլար:
