Աբխազիան ու Հարավային Օսիան չեն պլանավորել հետևել Ղրիմի օրինակին. Լավրով
Ռուսական РИА Новости լրատվական գործակալության փոխանցմամբ՝ Ռուսաստանի արտործնախարար Սերգեյ Լավրովը հայտարարել է, որ Աբխազիան ու Հարավային Օսիան չեն պլանավորել հետևել Ղրիմի օրինակին.
«Ես չեմ լսել այն մասին, որ աբխազ ժողովուրդը, աբխազական ղեկավարությունը հարց բարձրացնեն այն մասին, որ հետևելու են Ղրիմի օրինակին: Չկան այդպիսի մտադրություններ: Ես տեղյակ չեմ դրանց մասին: Մենք հանդիպումներ ունենալու ենք Աբխազիայի ու Հարավային Օսիայի ղեկավարության հետ, սակայն ես չեմ լսել այդօրինակ մտադրությունների մասին»:
Լավրովն ընդգծել է, որ Մոսկվան հարգում է Աբխազիայի ու Հարավային Օսիայի ժողովուրդների կամքը, և որ այդ երկրները Ռուսաստանի ռազմավարական գործընկերներն են:
