Հազարավոր փաստաթղթեր վկայում են, որ 1915 թվականին Օսմանյան կայսրությունում դաժանաբար սպանվել է 1.5 միլիոն հայ. SANA
Սիրիական SANA պետական լրատվական գործակալության փոխանցմամբ՝ Դամասկոսում գտնվող հայկական Սուրբ Սարգիս եկեղեցում երեկ հարգել են Օսմանյան կայսրությունում իրականացված Հայոց ցեղասպանության զոհերի հիշատակը:
Գործակալությունն ընդգծել է, որ հազարավոր փաստաթղթեր և ականատեսների ցուցմունքները վկայում են, որ 1915 թվականին Օսմանյան կայսրության իշխանությունների կողմից դաժանաբար սպանվել է 1.5 միլիոն հայ: Եվ չնայած դրան՝ Թուրքիան ցայժմ Հայոց ցեղասպանության հարցում շարունակում է իր ժխտողական քաղաքականությունը:
