Սիրիան արդեն իսկ հրաժեշտ է տվել իր քիմիական զենքի պաշարների 92.5 տոկոսին
Ռուսական РИА Новости լրատվական գործակալության փոխանցմամբ՝ ՄԱԿ-ի ու Քիմիական զենքն արգելող կազմակերպության համատեղ առաքելության ղեկավար Զիգրիդ Կաագն այսօր Twitter-ի իր միկրոբլոգում գրել է, որ Սիրիայի քիմիական զենքի մոտ 92.5 տոկոսն արդեն իսկ ոչնչացված է կամ էլ դուրս է բերված երկրից:
Կաագը Սիրիայի իշխանություններին կոչ է արել անել ամեն ինչ՝ տվյալ հարցում վերջին քայլը կատարելու համար: Փետրվարի վերջին Սիրիայի իշխանությունների կազմած պլանի համաձայն, Սիրիայի քիմիական զենքի պաշարների դուրս բերման գործընթացը պետք է ավարտվի մինչև մայիսի 27-ը:
Սիրիայի քիմիական զենքի ամբողջովին ոչնչացումը կիրականացվի մինչև ընթացիկ տարվա հունիսի վերջ:
