Լավրովն ԱՄՆ-ին ու ԵՄ-ին մեղադրել է Ուկրաինայում «գունավոր հեղափոխություն» կազմակերպելու մեջ
Интерфакс-Украина-ի փոխանցմամբ՝ Ռուսաստանի արտգործնախարար Սերգեյ Լավրովն այսօր հայտարարել է, որ ԱՄՆ-ն ու ԵՄ-ը փորձել են Ուկրաինայում իրականացնել հերթական «գունավոր հեղափոխությունը».
«Եկե՛ք իրերն անվանենք իրենց անուններով. ԱՄՆ-ն ու ԵՄ-ը փորձել են Ուկրաինայում իրականացնել հերթական «գունավոր հեղափոխությունը», վարչակարգին ոչ սահմանադրական ճանապարհով փոխելու գործողությունը:
Ընդ որում, լուրջ վերլուծաբանններից քչերը կասկածներ ունեն, որ խոսքը չի գնում միայն Ուկրաինայի ճակատագրի մասին, որ Ուկրաինային պարզապես օգտագործել են փորձում են շարունակել օգտագործել իրենց աշխարհաքաղաքական խաղում:
Ռուսաստանին հասցեագրած մեղադրանքները, որ նա արձագանքել է ղրիմցիների ազատ կամարտահայտմանը, և իբրև թե, խախտել է Եվրոպայում գործընկերության ոգին, չարժեն անգամ այն թղթերը, որոնց վրա գրված են դրանք»:
