Դևլեթ Բահչելին խստապես քննադատել է Էրդողանին՝ կապված Հայոց ցեղասպանության վերաբերյալ նրա ուղերձի հետ
Թուրքական Cihan լրատվական գործակալության փոխանցմամբ՝ «Ազգայնական շարժում» կուսակցության (ԱՇԿ) առաջնորդ Դևլեթ Բահչելին խստապես քննադատել է վարչապետ Ռեջեփ Էրդողանին՝ կապված Հայոց ցեղասպանության վերաբերյալ նրա արած երեկվա հայտարարության հետ:
Բահչելին ուշադրություն է հրավիրել նրա վրա, որ Էրդողանն այդ հայտարարությունն արել է ապրիլի 23-ին, երբ երկրում նշում են Թուրքիայի Ազգային մեծ ժողովի (ԹԱՄԺ) հիմնադրման 94-ամյակը:
Բահչելին ընդգծել է, որ Էրդողանի այդ հայտարությունը լեցուն է եղել կոսմոպոլիտ ու անհիմն արտահայտություններով, որոնք հեռու են թուրք ազգից ու թուրքական պատմությունից: Բահչելին Էրդողանի այդ հայտարարությունը որակել է որպես «ապշեցուցիչ ու վրդովեցուցիչ»:
