Ավարտվեցին համայնքապետերի հերթական դասընթացները ԼՂՀ կառավարությունում
Այսօր Արցախի Հանրապետության փոխվարչապետ Արթուր Աղաբեկյանը մասնակցել է կառավարության աշխատակազմի կողմից կազմակերպվող համայնքապետերի հինգերորդ դասընթացի փակման արարողությանը: ԼՂՀ կառավարության տարածա հաղորդագրության համաձայն՝ նա իր խոսքում կարևորել է նմանատիպ միջոցառումների դերը համայնքների ղեկավարների պատրաստվածության մակարդակի բարձրացման գործում:
Ա. Աղաբեկյանը շեշտադրել է համայնքի ղեկավարի՝ որպես ընտրովի ինստիտուտի, նշանակությունը տեղական ինքնակառավարման մարմինների կայացման ճանապարհին: Նա կոչ արեց ներկաներին ավելի նախաձեռնող լինել համայնքային բյուջեների ձևավորման գործում՝ աշխատելով դրանց զարգացման ուղղությամբ: Փոխվարչապետը նշել է, որ գործադիրն անարձագանք չի թողնի համայնքներից եկող ցանկացած նախաձեռնություն:
Վերջում Ա. Աղաբեկյանը դասընթացի 25 մասնակիցներին հանձնել է հավաստագրեր՝ համոզմունք հայտնելով, որ մեկ շաբաթում ստացած գիտելիքները կբարձրացնեն համայնքների ղեկավարների գործունեության արդյունավետության մակարդակը: Այս մասին տեղեկացնում է ԼՂՀ կառավարության տեղեկատվության և հասարակայնության հետ կապերի բաժինը:
