Պուտինը սխալ է համարել Հյուսիսային Կովկասի ու Արևելյան Ուկրաինայի հակաահաբեկչական օպերացիաների համեմատումը
Ուկրաինական UNIAN լրատվական գործակալության փոխանցմամբ` Ռուսաստանի նախագահ Վլադիմիր Պուտինը դեմ է արտահայտվել 2000 թվականին Հյուսիսային Կովկասում Ռուսաստանի իրականացրած հակաահաբեկչական գործողության և ներկայումս Ուկրաինայի արևելքում Կիևի իշխանությունների կողմից «հակաահաբեկչական գործողության» համեմատմանը:
Պուտինն ընդգծել է, որ դրանց միջև տարբերությունը վիթխարի է` նշելով, որ Հյուսիսային Կովկասում Ռուսաստանը բախվել է միջազգային ահաբեկչության սպառնալիքի հետ: Պուտինը հավելել է, որ ըստ էության, այն ժամանակ Հյուսիսային Կովկասում ստեղծվել են լավ նախապատրաստված բանդաներ, որոնք մատակարարվել ու սպառազինվել են արտերկրից:
