Թեհրանում տեղի է ունեցել Իրանի զինված ուժերի Գլխավոր շտաբի պետի ու Ադրբեջանի պաշտպանության նախարարի հանդիպումը
Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարար, գեներալ-գնդապետ Զաքիր Հասանովն այսօր Թեհրանում հանդիպել է Իրանի զինված ուժերի Գլխավոր շտաբի պետ, գեներալ-գնդապետ Սեյեդ Հասան Ֆիրուզաբադիի հետ:
Հանդիպման ժամանակ հիմնականում քննարկվել է երկկողմ ռազմական համագործակցության հարցը, ինչպես նաև տարածաշրջանի անվտանգության ու կայունության հարցը:
Ֆիրուզաբադին հայտարարել է, որ Իրանն իր ներկայիս արտաքին քաղաքականությունում հատուկ տեղ է տալիս մուսուլմանական ու հարևան երկրների հետ երկկողմ, բարեկամական հարաբերությունների կառուցմանը:
Ֆիրուզաբադին հավելել է, որ Ադրբեջանն իր ռազմական կարիքների մի մասն ապահովվում է Իրանի պաշտպանական արդյունաբերության կարիքների հաշվին: Հանդիպման ժամանակ քննարկվել է նաև համատեղ զորավարժությունների, բարեկամական այցերի կազմակերպման հարցը:
Զաքիր Հասանովն Իրանում է գտնվում ապրիլի 14-ից և արդեն իսկ հանդիպել է իր իրանցի գործընկեր Հոսեին Դեհգհանի հետ:
